Тогтоол №8548

ХЭРГИЙН ТАНИЛЦУУЛГА: Гэмт хэрэг үйлдсэн хэмээх сэжигтэй этгээдэд эрүүгийн хэрэг үүсгэн яллагдагчаар татах ажиллагааны явцад анхан шатны шүүхээс прокурорт хэргийг буцаасан шийдвэрийг эс зөвшөөрч прокурор давж заалдах шатны шүүхэд эсэргүүцэл гаргасан. АНХАН ШАТ: Эрүүгийн хэрэг хянан шийдвэрлэх ажиллагааны явцад нотлох баримтуудыг нэмж цуглуулах, гэрчүүдийн мэдүүлэг дэх зөрчлийг арилгах, гэмт хэрэг хэзээ, хаана, хэдэн цагт болсныг нарийн тогтоох зэрэг нэмэлт мөрдөн шалгах ажиллагаа хийх шаардлагатай гэж үзэн хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг эсэргүүцсэн. Үүнд, нэмэлт мөрдөн шалгах ажиллагаа хийх нь нотолгооны хувьд ач холбогдолгүй, мөрдөн шалгах ажиллагааг хуульд заасан арга хэрэгслийн дагуу бүрэн гүйцэт хийсэн гэж үзэж байв. Харин яллагдагчийн өмгөөлөгч анхан шатны шүүхийн шийдвэрийг хэвээр үлдээхийг хүссэн. Учир нь хэрэг явдлын цаг хугацаа бүрэн тогтоогдоогүй, зарим гэрч нүдээр хараагүй мэдүүлэг өгсөн, эмнэлгийн байгууллагын 103 дуудлагын дэвтрийн хуулбыг хавсаргах шаардлагатай гэж үзсэн. ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хэвээр үлдээж, прокурорын эсэргүүцлийг хэрэгсэхгүй болгосон. Учир нь, Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн байдал тогтоогдсон. Тухайлбал, нэг этгээдтэй холбоотой хоёр удаагийн эрүүгийн хэрэг үүсгэх тогтоол үйлдсэн нь хуульд нийцэхгүй байсан.