ХЭРГИЙН ТАНИЛЦУУЛГА: Иргэн С.Т нь иргэн С.Б-ын өмчлөлийн орон байранд хууль бусаар нэвтрэн орж, хоёр гар утас хулгайлсан гэмт хэрэгт холбогдсон. АНХАН ШАТ: Эрүүгийн хуулийн тусгай ангийн 17.1 дүгээр зүйлийн 2.1-д заасан гэмт хэрэг үйлдсэн гэм буруутайд тооцож, 1 жил 6 сар хорих ялаар шийтгэсэн. ДАВЖ ЗААЛДАХ ШАТ: Шүүгдэгчийн өмгөөлөгч нь үйлдсэн хэргээ хүлээж, хохирлыг барагдуулсан, хүүхэдтэй, анх удаа гэмт хэрэг үйлдсэн зэрэг нөхцөл байдлыг харгалзан ялыг хөнгөрүүлэхийг хүссэн. Шүүх хуулийн шударга ёсны зарчмыг үндэслэн оногдуулсан хорих ялыг 1 жил болгон өөрчилж, цагдан хоригдсон 56 хоногийг эдлэх ялд нь оруулан тооцсон.
ҮНДЭСЛЭЛ: Шүүгдэгчийн хэргээ хүлээж, хохирлыг барагдуулсан, эерэг хувийн байдал, анх удаа гэмт хэрэг үйлдсэн зэрэг нөхцөл байдлыг харгалзан үзэж ялыг хөнгөрүүлэх нь Эрүүгийн хуулийн шударга ёсны зарчимд нийцнэ.