Тогтоол №8063

ХЭРГИЙН ТАНИЛЦУУЛГА: Гэр бүлийн хамаарал бүхий этгээдтэй харьцахдаа архи уусан шалтгаанаар зодож, эрүүл мэндэд нь хөнгөн хохирол учруулсан хэрэг. АНХАН ШАТ: Гэр бүлийн хүчирхийлэл үйлдсэн, хүний эрүүл мэндэд хөнгөн хохирол учруулсан гэм буруутайд тооцож, 500,000 төгрөгөөр торгох, өмнө нь тэнссэн шийдвэрийг хүчингүй болгож, 1 жилийн хорих ял оногдуулж, 15 нэгжийг 1 хоногийн хорих ялаар тооцон, нийт эдлэх ялыг 1 жил 33 хоног болгон, цагдан хорих арга хэмжээ авах шийдвэр гаргасан. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолын тогтоох хэсгийн 3 дахь заалтыг Эрүүгийн хуулийн ерөнхий ангийн 6.8, 6.9 дүгээр зүйлийг хэрэглээгүй, хуулийг буруу хэрэглэсэн гэж үзэн эсэргүүцэл бичсэн. Хяналтын шатны шүүх гэр бүлийн хүчирхийлэл үйлдсэн, эрүүл мэндэд хөнгөн хохирол учруулсан гэмт хэргийг үйлдсэн нь нотлогдсон гэж үзсэн.

ҮНДЭСЛЭЛ: Анхан шатны шүүх нь Эрүүгийн хуулийн ерөнхий ангийн 7.1 дүгээр зүйлийн 4, 5 дахь хэсгүүдийг хэрэглэн тэнссэн шийдвэрийг хүчингүй болгож, ял оногдуулсан боловч Эрүүгийн хуулийн ерөнхий ангийн 6.8, 6.9 дүгээр зүйлүүдийг хэрэглээгүй, нэгтгэн эдлэх ялыг тодорхойлоход хуулийн заалтыг буруу хэрэглэсэн. Мөн шүүхийн шийтгэх тогтоол нь тодорхой, ойлгомжтой байх шаардлагад нийцээгүй. Иймд прокурорын эсэргүүцлийг хангаж, анхан шатны шүүхийн шийтгэх тогтоолд өөрчлөлт оруулахаар шийдвэрлэсэн.