Тогтоол №7805

ХЭРГИЙН ТАНИЛЦУУЛГА: Иргэн Ж.Д нь бусдыг залилан мөнгө авсан гэмт хэрэгт холбогдсон. АНХАН ШАТ: Ж.Д-г бусдыг залилсан гэм буруутайд тооцож, 6 сарын хорих ял оногдуулж, 10.800.000 төгрөгийг хохирогчид төлж барагдуулахыг үүрэг болгосон. ДАВЖ ЗААЛДАХ ШАТ: Шүүгдэгч болон түүний өмгөөлөгч анхан шатны шүүхийн шийдвэрийг эс зөвшөөрч, хохирлыг барагдуулах талаар тохиролцсон, эрүүл мэндийн байдал, гэмээ хүлээж байгаа зэргийг харгалзан ялыг хөнгөрүүлэх, тэнсэх зэргээр өөрчлөх, эсхүл нийтэд тустай ажил хийлгэх ял оногдуулах талаар гомдол гаргасан.

ҮНДЭСЛЭЛ: Шүүгдэгч Ж.Д нь бусдыг хуурч, зохиомол байдлыг бий болгон, бодит байдлыг нуух замаар төөрөгдөлд оруулан 15.800.000 төгрөгийг залилан авсан үйлдлийг Эрүүгийн хуулийн тусгай ангийн 17.3 дугаар зүйлийн 1-д зааснаар зүйлчлэн яллах нь зөв байсан. Шүүгдэгч нь учруулсан хохирол, хор уршгийг бүрэн арилгаж барагдуулаагүй тул Эрүүгийн хуулийн ерөнхий ангийн 6.7, 7.1 дүгээр зүйлүүдэд заасан тэнсэх, албадлагын арга хэмжээ хэрэглэх нөхцөл хангагдаагүй. Анхан шатны шүүхээс оногдуулсан 6 сарын хорих ял нь шударга ёсны зарчимд нийцсэн бөгөөд давж заалдах гомдлуудыг хэрэгсэхгүй болгосон.