Тогтоол №7391

ХЭРГИЙН ТАНИЛЦУУЛГА: Албан тушаалын байдлаа урвуулан ашиглаж, хуурамч баримт бичиг бүрдүүлэн компанид хохирол учруулсан, хахууль авсан хэрэг. АНХАН ШАТ: Албан тушаалаа урвуулан ашиглаж их хэмжээний хохирол учруулсан, хахууль авсан гэм буруутайд тооцож, нийтийн албанд томилогдох эрхийг 3 жил хасч, 4 жил хорих ялаар шийтгэж, олсон орлогыг улсын төсөвт шилжүүлэн, учирсан хохирлыг нөхөн төлүүлэхээр шийдвэрлэсэн. ДАВЖ ЗААЛДАХ ШАТ: Шүүгдэгч болон түүний өмгөөлөгч нар гэм буруугүй, ялыг хөнгөрүүлэх, хэргийг хэрэгсэхгүй болгуулах гэсэн үндэслэлээр гомдол гаргасан. Хохирогч болон түүний өмгөөлөгч нар давж заалдах гомдлыг бүхэлд нь үндэслэлгүй хэмээн үзэж, анхан шатны шийдвэрийг хэвээр үлдээхийг хүссэн. Прокурор хэргийн бодит байдал тогтоогдсон, анхан шатны шүүхийн шийдвэр хууль ёсны бөгөөд үндэслэлтэй гарсан гэж үзэн, давж заалдах гомдлыг хэрэгсэхгүй болгуулах санал гаргасан.

ҮНДЭСЛЭЛ: Шүүх хуралдаанаар хэргийн бодит байдлыг тогтооход ашигласан нотлох баримтууд нь хангалттай бөгөөд хоорондоо зөрүүгүй байсан. Анхан шатны шүүхээс гэм бурууг тогтоохдоо Эрүүгийн хууль болон Эрүүгийн хэрэг хянан шийдвэрлэх тухай хуулийг буруу хэрэглээгүй, ноцтой зөрчсөн зүйл тогтоогдоогүй. Давж заалдах шатны шүүхээс анхан шатны шүүхийн шийтгэх тогтоолыг хэвээр үлдээж, шүүгдэгч болон түүний өмгөөлөгчийн гаргасан давж заалдах гомдлыг хэрэгсэхгүй болгосон.