Тогтоол №7336

ХЭРГИЙН ТАНИЛЦУУЛГА: Эхнэр хүүхдээ зодож, эрүүл мэндэд нь хүнд хохирол учруулсан хэрэг. АНХАН ШАТ: Эрүүгийн хуулийн 11.4 дүгээр зүйлийн 2.1-д зааснаар гэр бүлийн хүчирхийлэл үйлдсэн гэм буруутайд тооцож, 1 жилийн хугацаагаар хорих ял оногдуулахгүйгээр тэнсэж, тэнссэн хугацаанд согтууруулах ундаа хэрэглэхийг хориглох хязгаарлалт тогтоосон. ДАВЖ ЗААЛДАХ ШАТ: Прокурор анхан шатны шүүхийн шийдвэрийг Эрүүгийн хуулийг буруу хэрэглэсэн гэж үзэн эсэргүүцсэн. Шүүгдэгчийн хувийн байдал, үйлдсэн хэргийн шинж чанарыг харгалзан анхан шатны шүүхийн шийдвэрийг хэвээр үлдээж, прокурорын эсэргүүцлийг хэрэгсэхгүй болгосон.

ҮНДЭСЛЭЛ: Эрүүгийн хуулийн 7.3 дугаар зүйлд заасан үүрэг хүлээлгэх, эрх хязгаарлах албадлагын арга хэмжээг давхар заавал хэрэглэх хууль байхгүй бөгөөд шүүх гэмт хэрэг үйлдсэн хүний хувийн байдал, нөхцөл байдлыг харгалзан шийдвэр гаргах эрхтэй. Анхан шатны шүүхийн шийтгэх тогтоолд заасан үндэслэл нь хэргийн бодит байдалд нийцсэн, тухайн этгээдийн үйлдсэн гэмт хэрэг, нийгмийн аюулын шинж чанар, хэр хэмжээ, гэм буруугийн хэлбэрт тохирсон, шударга ёсны зарчим болон эрүүгийн хариуцлагын зорилгод нийцсэн байна.