Тогтоол №7262

ХЭРГИЙН ТАНИЛЦУУЛГА: Жолооч Г.Э нь жолоодож явсан тээврийн хэрэгслийн осол болон зорчигчдын амь нас хохирсон хэрэгт, харин Б.М нь жолоодох эрхгүй хүнд тээврийн хэрэгслээ шилжүүлэн амь нас хохироосон хэрэгт холбогджээ. АНХАН ШАТ: Шүүгдэгч Г.Э-г буруутайд тооцон жолоодох эрхийг 6 жилээр хасаж, 1 жил хорих ял оногдуулж, нээлттэй хорих байгууллагад эдлүүлэхээр шийдвэрлэсэн. Шүүгдэгч Б.М-д холбогдох хэргийг гэмт хэргийн шинжгүй гэх үндэслэлээр хэрэгсэхгүй болгосон. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг эсэргүүцсэн. Г.Э-д оногдуулсан ял хөнгөн, Б.М-ийн хэргийг хэрэгсэхгүй болгосон нь хууль буруу хэрэглэсэн гэж үзсэн. Давж заалдах шатны шүүх хэргийг бүхэлд нь хянан үзээд, анхан шатны шүүхийн шийтгэх тогтоолыг хүчингүй болгож, хэргийг анхан шатны шүүхэд буцаахаар шийдвэрлэсэн.

ҮНДЭСЛЭЛ: Г.Э-ийн үйлдсэн гэмт хэрэгт оногдуулах ял нь хэргийн бодит байдал, учруулсан хохирол, гэм буруугийн хэлбэрт тохироогүй. Шүүгдэгч Б.М-ийн жолоо шилжүүлсэн үйлдэл нь амь хохирогчдын үхэлтэй шууд шалтгаант холбоотой гэж үзэх үндэслэлтэй байхад хэргийг хэрэгсэхгүй болгосон нь үндэслэлгүй. Шүүх Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн тул шийтгэх тогтоолыг хүчингүй болгосон.