Тогтоол №11868

ХЭРГИЙН ТАНИЛЦУУЛГА: Тээврийн хэрэгслийн жолооч бусдын амь насыг хохироосон, эрүүл мэндэд нь гэмтэл учруулсан хэрэг. АНХАН ШАТ: Автотээврийн хэрэгслийн жолооч хөдөлгөөний аюулгүй байдлын тухай хууль, дүрэм зөрчсөний улмаас хоёр хүний амь нас хохироож, нэг хүний эрүүл мэндэд хүнд, нэг хүний эрүүл мэндэд хүндэвтэр хохирол учруулсан гэм буруутайд тооцож, 5 жилийн хорих ял оногдуулж, жолоодох эрхийг 5 жилээр хассан. ДАВЖ ЗААЛДАХ ШАТ: Шүүгдэгч болон өмгөөлөгчид анхан шатны шүүхийн дүгнэлтийг эс зөвшөөрч, хэргийн бодит байдал, нотлох баримтыг бүрэн шалгаж тогтоогоогүй, шинжээчийн дүгнэлтүүд хоорондоо зөрүүтэй, нөхөн гүйцэтгэх боломжгүй мөрдөн шалгах ажиллагаа хийлгэх шаардлагатай гэж үзэн хэргийг прокурорт буцаах, цагаатгах хүсэлт гаргасан.

ҮНДЭСЛЭЛ: Анхан шатны шүүх хэргийн бодит байдал, гэм бурууг тогтооход чухал нөлөөлөх хэм хэмжээний асуудлуудыг хангалттай шалгаж тогтоогоогүй, хэргийн үйл баримтад бодит үнэлэлт өгөөгүй нь хэргийн зүйлчлэлд нөлөөлөхүйц нөхцөл байдал үүсгэсэн. Шинжээчдийн дүгнэлтүүд хоорондоо зөрүүтэй байсан бөгөөд зарим дүгнэлт нь бусад нотлох баримтуудтай зөрчилдсөн. Осол гарах нөхцөл байдлыг бүрэн тогтоох, тээврийн хэрэгслийн хурд, хөдөлгөөн, зам талбайн байршлыг тодруулах шаардлагатай гэж үзэн анхан шатны шүүхийн шийтгэх тогтоолыг хүчингүй болгож, хэргийг прокурорт буцаан шалгуулахаар шийдвэрлэсэн.