Тогтоол №7209

ХЭРГИЙН ТАНИЛЦУУЛГА: Хууль бусаар эд хөрөнгө авсан, хүний эрүүл мэндэд хүнд хохирол учруулсан гэмт хэрэгт холбогдсон этгээдэд холбогдох хэргийг анхан шатны шүүх хууль бус бүрэлдэхүүнтэйгээр шийдвэрлэсэн. АНХАН ШАТ: Гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 17.1, 11.1 дүгээр зүйлүүдэд зааснаар хорих ял, нийтэд тустай ажил хийлгэх ял оногдуулж, эд хөрөнгийг хураах, хохирлыг нөхөн төлүүлэхээр шийдвэрлэсэн. ДАВЖ ЗААЛДАХ ШАТ: Прокурор анхан шатны шүүхийн шийдвэр нь Эрүүгийн хэрэг хянан шийдвэрлэх тухай хуулийг ноцтой зөрчсөн, тухайлбал Эрүүгийн хуулийн тусгай ангид найман жилээс дээш хугацаагаар хорих ял оногдуулж болох гэмт хэргийг гурван шүүгчийн бүрэлдэхүүнээр шийдвэрлэх ёстой байтал дан шүүгчээр шийдвэрлэсэн үндэслэлээр эсэргүүцэл гаргасан.

ҮНДЭСЛЭЛ: Эрүүгийн хэрэг хянан шийдвэрлэх тухай хуулийн 3.3 дугаар зүйлийн 1 дэх хэсэгт заасныг зөрчиж, Эрүүгийн хуулийн тусгай ангид найман жилээс дээш хугацаагаар хорих ял оногдуулахаар заасан гэмт хэргийг гурван шүүгчийн бүрэлдэхүүнээр шийдвэрлэх ёстой байтал анхан шатны шүүх дан шүүгчээр хэргийг шийдвэрлэсэн нь хууль бус бүрэлдэхүүнтэй тогтоол гаргасан гэж үзэн, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шүүхэд буцаасан.