Тогтоол №7130

ХЭРГИЙН ТАНИЛЦУУЛГА: Архи согтууруулах ундаа хэрэглэсэн үедээ танихгүй хүнийг архины шилээр цохиж, эрүүл мэндэд нь хүнд хохирол учруулсан этгээдтэй холбоотой эрүүгийн хэрэг. АНХАН ШАТ: Хүний эрүүл мэндэд хүнд хохирол санаатай учруулсан гэмт хэрэг үйлдсэн гэм буруутайд тооцож, 6 жилийн хорих ялаар шийтгэж, хорих ялыг хаалттай хорих байгууллагад эдлүүлэхээр шийдвэрлэсэн. Мөн эмчилгээний зардалд 655,650 төгрөгийг гаргуулан хохирогчид олгохоор шийдвэрлэсэн. ДАВЖ ЗААЛДАХ ШАТ: Гэм буруугаа хүлээж, хохирогчоос уучлалт гуйж байгаа бөгөөд эх нь өндөр настай, ганцаараа амьдардаг тул хорих ялыг нээлттэй хорих байгууллагад эдлүүлэх хүсэлт гаргасан.

ҮНДЭСЛЭЛ: Хохирогчийн мэдүүлэг, гэрчүүдийн мэдүүлэг, шүүх эмнэлгийн шинжээчийн дүгнэлт зэрэг нотлох баримтуудаар гэмт хэрэг үйлдсэн нь тогтоогдсон. Анхан шатны шүүх Эрүүгийн хуулийг зөв хэрэглэж, гэм буруу, хувийн байдал, үйлдсэн хэргийн нийгмийн аюулын шинж чанарт тохирсон ял шийтгэл оногдуулсан. Шүүгдэгчийн хорих ялыг нээлттэй хорих байгууллагад эдлүүлэх хууль зүйн үндэслэл байхгүй байна.