Тогтоол №7084

ХЭРГИЙН ТАНИЛЦУУЛГА: Эрүүгийн хуулийн дагуу бусдын эд хөрөнгийг залилан онц их хэмжээний хохирол учруулсан хэргээр шүүгдэгч Б.С, Л.Н нар холбогдсон. АНХАН ШАТ: Шүүгдэгч Л.Н-д Эрүүгийн хуулийн тусгай ангийн 17.3 дугаар зүйлийн 2.2-д зааснаар 1 жил 6 сар, Б.С-д 17.3 дугаар зүйлийн 1-д зааснаар 1 жил 3 сар хорих ял оногдуулж, биечлэн эдлүүлэхээр шийдвэрлэв. Зарим хэргийг хэрэгсэхгүй болгож, хохирлыг барагдуулах талаар иргэний журмаар шийдвэрлүүлэхээр тогтоов. ДАВЖ ЗААЛДАХ ШАТ: Шүүгдэгч нар болон өмгөөлөгчид ялыг хөнгөрүүлэх, хуулийг буруу хэрэглэсэн гэх үндэслэлээр гомдол гаргасан. Хохирогчид хохирол төлөгдөөгүй, анхан шатны шүүх хөнгөдсөн ял оногдуулсан гэж үзсэн. ҮНДЭСЛЭЛ: Давж заалдах шатны шүүх анхан шатны шүүхийн шийтгэх тогтоол нь хэргийн нөхцөл байдал, учирсан хохирлын хэмжээг тодорхой тогтоож чадаагүй, эрүүгийн болон иргэний хэргийн агуулгыг ялгаварлаж чадаагүй, зарим нотлох баримтыг үнэлж дүгнэлт хийгээгүй, эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх хуулийг ноцтой зөрчсөн гэж үзэн анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шатны шүүхэд буцаав. Шүүгдэгч нарт ногдуулсан цагдан хорих арга хэмжээг хэвээр үргэлжлүүлэхээр тогтоов.