Тогтоол №6443

ХЭРГИЙН ТАНИЛЦУУЛГА: Гэмт хэрэг үйлдсэн этгээд согтууруулах ундааны зүйл хэрэглэсэн үедээ тээврийн хэрэгсэл жолоодож, бусдад хүндэвтэр хохирол учруулсан. АНХАН ШАТ: Мөрдөн байцаалтын шатанд Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн гэх үндэслэлээр хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн шийдвэрийг хууль зүйн үндэслэлгүй гэж үзэн эсэргүүцэл гаргасан. Давж заалдах шатны шүүх прокурорын эсэргүүцлийг хүлээн авч, анхан шатны шүүхийн шийдвэрийг хүчингүй болгон хэргийг анхан шатны шүүхээр дахин хэлэлцүүлэхээр болсон.

ҮНДЭСЛЭЛ: Анхан шатны шүүхээс Эрүүгийн хуулийн ерөнхий ангийн 6.7 дугаар зүйлийн 1.1-д заасныг журамлан, тусгай ангийн 27.10 дугаар зүйлийн 2 дахь хэсгийн 2.1-д зааснаар тээврийн хэрэгсэл жолоодох эрхийг хасч, 8 сарын хугацаагаар тэнсэх санал гаргасан нь Эрүүгийн хуулийн ерөнхий ангийн 6.7 дугаар зүйлийн 1 дэх хэсэгт заасныг зөвхөн шүүх хэрэглэх эсэх асуудлыг хянан шийдвэрлэхээр заасан байх тул прокурор энэ заалтыг хэрэглэх боломжгүй гэж үзсэн. Мөн хэргийг хялбаршуулсан журмаар хянан шийдвэрлүүлэх хүсэлт гаргахаас өмнө прокурор тогтоол гаргасан нь Эрүүгийн хэрэг хянан шийдвэрлэх тухай хуулийг зөрчсөн гэж дүгнэсэн.