Тогтоол №6332

ХЭРГИЙН ТАНИЛЦУУЛГА: Н.А нь 700,000 төгрөгийг хууль бусаар авсан гэмт хэрэгт холбогдсон. АНХАН ШАТ: Прокурор яллах дүгнэлт үйлдсэн боловч хялбаршуулсан журмаар шийдвэрлэхдээ Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан ялын төрөл, хэмжээг тодорхойлоогүй, харин Эрүүгийн хуулийн ерөнхий ангийн 6.7 дугаар зүйлийг буруу хэрэглэж, тэнсэх санал гаргасныг шүүх нь Эрүүгийн хэрэг хянан шийдвэрлэх тухай хуулийг ноцтой зөрчсөн хэмээн үзэж хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн шийдвэрт эсэргүүцэл бичиж, хялбаршуулсан журмаар хэрэг хянан шийдвэрлэх ажиллагааны эрх зүйн зохицуулалтыг тайлбарлан, шүүхийн шийдвэр нь ойлгомжгүй, хууль буруу хэрэглэсэн гэж үзсэн. Гэвч давж заалдах шатны шүүх прокурор Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан ялын саналыг танилцуулахдаа хорих ял оногдуулахгүйгээр тэнсэж, албадлагын арга хэмжээ авах санал гаргасан нь Эрүүгийн хуулийг буруу тайлбарлан хэрэглэсэн хэмээн дүгнэн, анхан шатны шүүхийн шийдвэрийг хэвээр үлдээж, прокурорын эсэргүүцлийг хэрэгсэхгүй болгосон.

ҮНДЭСЛЭЛ: Хялбаршуулсан журмаар хэрэг хянан шийдвэрлэхэд прокурор нь яллагдагчид Эрүүгийн хуулийн тусгай ангид заасан ялын төрөл, хэмжээг тодорхой танилцуулж, зөвшөөрөл авсны үндсэн дээр хэргийг шүүхэд шилжүүлэх ёстой. Ялын саналыг хуульд заасан хэмжээгээр тодорхойлохгүйгээр, эсхүл бусад хуулийн зүйл ангийг буруу хэрэглэж санал гаргасан нь Эрүүгийн хэрэг хянан шийдвэрлэх тухай хуулийг ноцтой зөрчсөн үйлдэл болно.