Тогтоол №6150

ХЭРГИЙН ТАНИЛЦУУЛГА: Жолооч Б.А нь замын хөдөлгөөний аюулгүй байдлын тухай хууль, замын хөдөлгөөний дүрмийг зөрчиж, явган зорчигчийг мөргөж амь насыг нь хохироон, хэргийн газраас зугтаасан хэргээр яллагдсан. АНХАН ШАТ: Анхан шатны шүүхээс жолооч Б.А-ыг хөдөлгөөний аюулгүй байдлын тухай хууль, дүрмийг зөрчиж хүний амь нас хохироосон, мөн хэргийн газраас зугтаасан гэм буруутайд тооцож, тээврийн хэрэгсэл жолоодох эрхийг 4 жил хасч, 2 жил хорих ял, 450,000 төгрөгөөр торгох ялаар шийтгэж, ялуудыг нэмж нэгтгэн нийт 2 жил 1 сарын хорих ял оногдуулсан. ДАВЖ ЗААЛДАХ ШАТ: Шүүгдэгч болон түүний өмгөөлөгчөөс анхан шатны шүүхийн шийтгэх тогтоолыг эс зөвшөөрч гомдол гаргасан. Гомдолд гэм буруугаа хүлээн зөвшөрсөн, учруулсан хохирлоо барагдуулсан, анх удаа гэмт хэрэг үйлдсэн, хэргийн бодит нөхцөл байдал, хувийн байдлыг харгалзан үзэж ялыг хөнгөрүүлэхийг хүссэн.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзэж, шүүгдэгч Б.А нь гэм буруугаа хүлээн зөвшөөрсөн, анх удаа болгоомжгүй гэмт хэрэг үйлдсэн, хохирлыг нөхөн төлсөн, хэргийн болон хувийн байдал, явган зорчигчийн зөрчсөн байдлыг харгалзан үзэж, анхан шатны шүүхээс оногдуулсан 2 жил 1 сарын хорих ялыг хөнгөрүүлэн 1 жил 1 сарын хорих ял болгож, бусад ялуудыг хэвээр үлдээсэн.