Тогтоол №5961

ХЭРГИЙН ТАНИЛЦУУЛГА: Гэр бүлийн хүчирхийлэл үйлдэн, хамтран амьдрагчаа онц харгис хэрцгий аргаар алсан хэрэгт шүүгдэгч Ж.Б-г буруутгажээ. АНХАН ШАТ: Шүүгдэгч Ж.Б-ыг хүнийг алсан гэмт хэрэгт гэм буруутайд тооцож, Эрүүгийн хуулийн тусгай ангийн 10.1 дүгээр зүйлийн 2 дахь хэсгийн 2.1, 2.8 дугаар зүйлээр 17 жилийн хорих ял оногдуулж, хохирлын үнийг гаргуулж шийдвэрлэжээ. ДАВЖ ЗААЛДАХ ШАТ: Шүүгдэгч Ж.Б нь үйлдсэн хэргээ бүрэн хүлээгээгүй, гэм буруугаа үгүйсгэж, шүүх эмнэлгийн дүгнэлтэд эргэлзэж, анхан шатны шүүхийн шийтгэх тогтоолыг эс зөвшөөрч давж заалдсан.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзэхэд, шүүгдэгч нь гэр бүлийн хүчирхийлэл үйлдэн, хохирогчид олон тооны гэмтэл учруулж, улмаар цогцсыг гэрээсээ зөөвөрлөн орхисон нь нотлогдсон. Шүүгдэгчийн үйлдсэн гэмт хэргийн нийгмийн аюултай байдал, хор уршиг, хэмжээ, гэм буруугаа хүлээгээгүй байдлыг харгалзан давж заалдах гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээжээ.