Тогтоол №5181

ХЭРГИЙН ТАНИЛЦУУЛГА: Хувийн таарамжгүй харилцааны улмаас нэг иргэн нөгөө иргэнийг хутгалж, эрүүл мэндэд нь хүнд хохирол учруулсан хэрэг. АНХАН ШАТ: Санаатайгаар хүний эрүүл мэндэд хүнд хохирол учруулсан үйлдлийг Эрүүгийн хуулийн тусгай ангийн 11.1 дүгээр зүйлийн 2.4-т заасны дагуу зүйлчилж, 3 жил 5 сарын хорих ялаар шийтгэсэн. ДАВЖ ЗААЛДАХ ШАТ: Хохирогч шийтгэх тогтоол нь ял хөнгөдсөн, эмчилгээний болон сэтгэл санааны хохирлоо нэхэмжилж давж заалдах гомдол гаргасан. Шүүгдэгчийн өмгөөлөгч хохирогчийн зарим тайлбар буруу, гэм буруугийн нөхцөл байдлыг харгалзаж ялыг хөнгөрүүлэхийг хүссэн.

ҮНДЭСЛЭЛ: Хэрэгт цугларсан нотлох баримтаар шүүгдэгчийн гэм буруутай үйлдл�� тогтоогдсон, анхан шатны шүүх Эрүүгийн хуулийг зөв хэрэглэж, зүйлчлэл болон оногдуулсан ял нь тохирсон байна. Хохирогч анхан шатны шүүх хуралдаанд хохирол нэхэмжлэхгүй гэсэн мэдүүлэг өгсөн нь тогтоогдсон тул цаашид үүсэх эмчилгээний зардлыг иргэний журмаар шийдвэрлүүлэхээр байв. Шүүгдэгчийн сэтгэл санааны байдал хүнд байсан гэх нөхцөл байдал нотлох баримтаар тогтоогдоогүй тул анхан шатны шүүхийн шийтгэх тогтоолыг хэвээр үлдээж, хохирогчийн давж заалдах гомдлыг хэрэгсэхгүй болгосон.