Тогтоол №4923

ХЭРГИЙН ТАНИЛЦУУЛГА: Э.З, П.М нар нь бүлэглэн, зэвсэг, машин механизм ашиглан, бусдын эд хөрөнгийг нууцаар, хууль бусаар хулгайлсан хэрэгт холбогдсон. АНХАН ШАТ: Анхан шатны шүүх хэргийг прокурорт буцаасан. Учир нь П.М-ийг 2002 оны Эрүүгийн хуулийн тусгай ангийн 145 дугаар зүйлийн 145.2-т заасан хулгайлах гэмт хэрэгт буруутай тооцоход яллах дүгнэлтэнд дурдагдаагүй хүндрүүлэх бүрэлдэхүүний зарим шинжүүдийг орхигдуулсан, мөн Э.З-ийн шил хагалсан үйлдэлд хууль зүйн үндэслэл бүхий дүгнэлт хийж, учирсан хохирлыг зөв тооцож ирүүлэх шаардлагатай байсан. ДАВЖ ЗААЛДАХ ШАТ: Прокурор анхан шатны шүүхийн хэргийг буцаасан захирамжийг эс зөвшөөрч гомдол гаргасан. Давж заалдах шатны шүүх анхан шатны шүүх Эрүүгийн хэрэг хянан шийдвэрлэх тухай хуулийг зөрчсөн гэж үзэн, анхан шатны шүүхийн захирамжийг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Анхан шатны шүүх хэргийг прокурорт буцаахдаа Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1 дэх хэсэгт зааснаар шүүгдэгч нарыг шүүхэд шилжүүлж, гэм бурууг тогтоох шүүх хуралдаанаар хэлэлцүүлсний дараа буцаасан нь Эрүүгийн хэрэг хянан шийдвэрлэх тухай хуулийн 34.1 дүгээр зүйлийн 1 дэх хэсэгт заасан анхан шатны журмаар хэргийг хянан шийдвэрлэх шүүх хуралдаанаар шүүгдэгч гэмт хэрэг үйлдсэн гэм буруутай эсэхийг тогтоосны дараа гэм буруутай бол Эрүүгийн хуульд заасан эрүүгийн хариуцлага хүлээлгэх, гэм буруугүй бол цагаатгах асуудлыг хянан шийдвэрлэнэ гэсэн заалтыг зөрчсөн байна.