ХЭРГИЙН ТАНИЛЦУУЛГА: Жолооч нь тээврийн хэрэгсэл жолоодож явж байхдаа замын хөдөлгөөний дүрмийг зөрчсөний улмаас хүүхэд мөргөж, эрүүл мэндэд нь хүндэвтэр хохирол учруулсан. АНХАН ШАТ: Жолоочийг буруутайд тооцож, нийтэд тустай ажил хийлгэх ял оногдуулж, хохирлыг тээврийн хэрэгслийн эзэмшигчээс гаргуулж, хохирогчийн хууль ёсны төлөөлөгчид олгохоор шийдвэрлэсэн. ДАВЖ ЗААЛДАХ ШАТ: Иргэний хариуцагч нь өөрийн буруугүй, жолоочийг томилоогүй тул хариуцах ёсгүй гэж гомдол гаргасан.
ҮНДЭСЛЭЛ: Хөдөлмөрийн гэрээний тодорхойлолт нь жолоочийг тээврийн хэрэгсэл ашиглуулахаар томилсон, шилжүүлэн өгсөн баримт биш бөгөөд зөвхөн ажилтай байсныг нь баталгаажуулсан. Гэвч тээврийн хэрэгслийн эзэмшигч нь өөрийн тээврийн хэрэгслийг бусдад ашиглуулах боломж олгосноор зам тээврийн осол гарсан тул Иргэний хуульд заасны дагуу хариуцлагаас чөлөөлөгдөх боломжгүй.