Тогтоол №4735

ХЭРГИЙН ТАНИЛЦУУЛГА: Эрүүгийн хуулийн тусгай ангийн 17.3 дугаар зүйлийн 3 дахь хэсгийн 3.1-т зааснаар залилан мэхлэх гэмт хэрэг үйлдсэн гэм буруутайд тооцож ял шийтгэл оногдуулсан анхан шатны шүүхийн шийтгэх тогтоолыг эс зөвшөөрч шүүгдэгч, өмгөөлөгч нар давж заалдах гомдол гаргасан. АНХАН ШАТ: Шүүгдэгч Н.Б-г залилан мэхлэх гэмт хэрэг үйлдсэн гэм буруутайд тооцож 9 жилийн хорих ял, шүүгдэгч А.Б-г залилан мэхлэх гэмт хэрэг үйлдсэн гэм буруутайд тооцож 3 жилийн хорих ял оногдуулж, хохирогчдод учруулсан мөнгөн хохирлыг гаргуулахаар шийдвэрлэсэн. ДАВЖ ЗААЛДАХ ШАТ: Шүүгдэгч А.Б-ын өмгөөлөгч А.Б-г залилан мэхлэх гэмт хэргийн санаа зорилго, үйлдэл нь тогтоогдоогүй, хохирогч болох нь тогтоогдсон тул хэргийг хэрэгсэхгүй болгох, шүүгдэгч Н.Б-гийн өмгөөлөгч мөрдөн шалгах ажиллагаа дутуу, гэм буруу бүрэн тогтоогдоогүй гэх үндэслэлээр хэргийг буцаах, шүүгдэгч Н.Б- өөрөө хэргийн үнэн зөвийг олоогүй, нотлох баримт хангалтгүй, оногдуулсан ял хэт хатуу гэх үндэслэлээр ялын зүйл ангийг өөрчлөхийг тус тус хүссэн.

ҮНДЭСЛЭЛ: Хэргийн баримтаар шүүгдэгч Н.Б болон А.Б нар нь бусдыг залилан мэхлэх гэмт хэрэг үйлдсэн нь тогтоогдож, анхан шатны шүүх үндэслэл бүхий дүгнэлт хийж шийдвэрлэсэн. Гэмт хэргийн зүйлчлэл болон оногдуулсан ял шийтгэл нь үйлдсэн хэргийн гэм буруутай тохирсон тул давж заалдах гомдлыг хэрэгсэхгүй болгож, анхан шатны шүүхийн шийтгэх тогтоолыг хэвээр үлдээсэн.