Тогтоол №4373

ХЭРГИЙН ТАНИЛЦУУЛГА: Нэг этгээд согтуугаар бие махбодийн халдаж, хүндэвтэр хохирол учруулсан хэрэгт холбогджээ. Анхан шатны шүүх мөрдөн шалгах ажиллагааны явцад Эрүүгийн хэрэг хянан шийдвэрлэх хуулийг ноцтой зөрчсөн, шүүх хуралдаанаар нөхөн гүйцэтгэх боломжгүй мөрдөн шалгах ажиллагаа хийлгэх шаардлагатай хэмээн үзэж хэргийг прокурорт буцаасан. Прокурор энэхүү захирамжийг эс зөвшөөрч давж заалдсан. АНХАН ШАТ: Эрүүгийн хэрэг хянан шийдвэрлэх тухай хуулийн 33.3 дугаар зүйлийн 1 дэх хэсгийн 1.2, 1.3-т зааснаар мөрдөн шалгах ажиллагааг нөхөн гүйцэтгэх боломжгүй, хуулийг ноцтой зөрчсөн гэх үндэслэлээр хэргийг прокурорт буцаасан. ДАВЖ ЗААЛДАХ ШАТ: Прокурор анхан шатны шүүхийн захирамжийг эс зөвшөөрч, гэмт хэрэг гарахад нөлөөлсөн шалтгаан нөхцлийг тогтоогоогүй, хохирогчийн мэдүүлгийг газар дээр нь туршиж шалгаагүй, гэрч, хохирогч, яллагдагчийн мэдүүлгийн зөрүүг арилгаагүй, мөрдөн шалгах ажиллагааг хуульд заасан журмын дагуу явуулаагүй гэх үндэслэлээр гаргасан. Гэвч давж заалдах шатны шүүх прокурорын эсэргүүцлийг хүлээн авахаас татгалзсан.

ҮНДЭСЛЭЛ: Гэрч, яллагдагчийн мэдүүлгийг хуульд заасан үндэслэл, журмын дагуу авсан эсэхэд учир дутагдалтай байсан нь тогтоогдсон, гэрчийн байцаалтын тэмдэглэлүүдэд өөрчлөлт оруулсан, хэтэрхий ойрхон хугацаанд авсан мэт байдал нь нотлох баримтыг хууль бусаар цуглуулсан гэж үзэхэд хүргэсэн тул анхан шатны шүүхийн хэргийг прокурорт буцаах захирамж хууль зүйн үндэслэлтэй байна. Гэхдээ шүүгчийн захирамжинд заагдсан гэмт хэрэг үйлдэхэд нөлөөлсөн шалтгаан нөхцлийг тогтоох, хохирогчийн мэдүүлгийг газар дээр нь туршиж шалгах зэрэг зарим ажиллагааг хийх шаардлагагүй тул прокурорын эсэргүүцлийн холбогдох заалтуудыг хүлээн авч, захирамжийг хэвээр үлдээжээ.