Тогтоол №4281

ХЭРГИЙН ТАНИЛЦУУЛГА: Хүний эрүүл мэндэд хөнгөн хохирол учруулсан хэргээр яллагдагч Ж.М-д холбогдох хэргийг анхан шатны шүүхэд хялбаршуулсан журмаар шийдвэрлэх явцад гарсан зөрчлийн талаарх маргаан. АНХАН ШАТ: Ж.М-д холбогдох хэргийг Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4 дэх хэсэгт заасан нөхцөл байдал хангагдаагүй гэж үзэн, хэргийг прокурорт буцаан шийдвэрлэсэн. ДАВЖ ЗААЛДАХ ШАТ: Улсын яллагч анхан шатны шүүх Эрүүгийн хэрэг хянан шийдвэрлэх тухай хуулийн 17 дугаар бүлгийг зөрчсөн, хэлэлцүүлэг хийгээгүй байж хийсэн мэт захирамж гаргасан нь хуулийн 33.1 дүгээр зүйлийн 6 дахь хэсгийг зөрчсөн, шүүхийн шийдвэр эргэлзээтэй болсон гэж үзэн эсэргүүцэл гаргав. Давж заалдах шатны шүүх эсэргүүцлийг хүлээн авч, анхан шатны шүүхийн захирамжийг хүчингүй болгож, хэргийг анхан шатны шүүхээр дахин хэлэлцүүлэхээр болгосон.

ҮНДЭСЛЭЛ: Хүний эрүүл мэндэд хөнгөн хохирол учруулах гэмт хэрэг нь Эрүүгийн хэрэг хянан шийдвэрлэх тухай хуулийн 17.5 дугаар зүйлийн 1 дэх хэсэгт заасан хялбаршуулсан журмаар шийдвэрлэхээр заасан төрлийн гэмт хэрэгт хамаарах боловч анхан шатны шүүх яллагдагч хүсэлт гаргаагүй, прокурор шийдвэр гараагүй, хуулийн 6.7 дугаар зүйлийг танилцуулаагүй, ялын саналыг хүлээн зөвшөөрөөгүй гэх зэргээр яллагдагчийн хүсэлтэд үндэслэн хялбаршуулсан журмаар хянан шийдвэрлэх журмын шаардлага хангагдаагүй гэж үзэн хэргийг буцаасан нь хууль бус болсон. Анхан шатны шүүх нь хэлэлцүүлэг хийгээгүй байж хийсэн мэт захирамж гаргасан нь Эрүүгийн хэрэг хянан шийдвэрлэх тухай хуулийн 33.1 дүгээр зүйлийн 6 дахь хэсгийг зөрчсөн.