Тогтоол №3630

ХЭРГИЙН ТАНИЛЦУУЛГА: Эрүүгийн хуулийн завдсан гэмт хэрэгт ял оногдуулах заалтыг буруу хэрэглэсэн, нэмэгдэл ял хэрэглэх эсэхийг шийдвэрлэлгүй орхигдуулсан үндэслэлээр анхан шатны шүүхийн шийтгэх тогтоолыг эс зөвшөөрч прокуророос гомдол гаргасан. АНХАН ШАТ: Эрүүгийн хуулийн ерөнхий ангийн 32.3, тусгай ангийн 145.2-р зүйлийг журамлан, хулгайлахыг завдсан гэмт хэрэгт буруутайд тооцож, 2 жил хорих ял оногдуулсан боловч Эрүүгийн ерөнхий ангийн 61.1, 61.4-р зүйлийг хэрэглэн тэнсэж, 1 жилийн хугацаагаар хянан харгалзахаар шийдвэрлэсэн. ДАВЖ ЗААЛДАХ ШАТ: Дээд шатны прокурор, анхан шатны шүүх нь Эрүүгийн ерөнхий ангийн 60.3-р зүйлийн завдсан гэмт хэрэгт ял оногдуулах журмыг хэрэглээгүй, төгссөн гэмт хэрэгт оногдуулах ялын доод хэмжээгээр ял шийтгэсэн, мөн нэмэгдэл ял хэрэглэх эсэхийг шийдвэрлээгүй гэж үзэн анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаах санал гаргасан. Прокурор уг санал дэмжсэн.

ҮНДЭСЛЭЛ: Давж заалдах шатны шүүх нь Эрүүгийн байцаан шийтгэх хуулийн 284.1-р зүйлд нийцээгүй, Эрүүгийн хуулийн ерөнхий ангийн 60.3-р зүйлийг хэрэглэлгүй, төгссөн гэмт хэрэгт оногдуулах ял оногдуулсан, нэмэгдэл ял хэрэглэх эсэхийг шийдвэрлэлгүй орхигдуулсан хууль хэрэглээний ноцтой алдаа гаргасан гэж үзэн, анхан шатны шүүхийн шийтгэх тогтоолыг хүчингүй болгож, хэргийг анхан шатны шүүхээр дахин хэлэлцүүлэхээр буцаах нь зүйтэй гэж дүгнэсэн.