Тогтоол №3563

ХЭРГИЙН ТАНИЛЦУУЛГА: Эрүүгийн хуульд заасан дээрэмдэх, хүнийг алахыг завдсан хэрэгт холбогдсон этгээдүүдийн шүүхийн шийтгэх тогтоолыг эс зөвшөөрч гаргасан давж заалдах гомдлыг хянан хэлэлцсэн. АНХАН ШАТ: Шүүгдэгч Б.Отгонцэцэг, Н.Ариунболд нарыг шунахайн сэдэлтээр, онц харгис хэрцгий аргаар дээрэмдэхдээ хүнийг алахыг завдсан гэмт хэрэг үйлдсэн гэм буруутайд тооцож, хуульд заасан ял шийтгэл оногдуулсан. Н.Ариунболдын бусдын биед хөнгөн гэмтэл учруулсан үйлдлийг хөөн хэлэлцэх хугацаа дууссан гэж үзэн эрүүгийн хариуцлагаас чөлөөлсөн. ДАВЖ ЗААЛДАХ ШАТ: Ялтан Н.Ариунболд нь анхан шатны шүүхийн шийдвэрийг эс зөвшөөрч, өөрийгөө хилс хэрэгт гүтгэсэн, хуулийг буруу хэрэглэсэн гэж гомдол гаргасан. Шүүх хуралдаанд оролцсон прокурор анхан шатны шүүхийн шийтгэх тогтоолыг хэвээр үлдээхийг санал болгов.

ҮНДЭСЛЭЛ: Хэргийн бодит байдлыг тогтоохдоо хохирогч, гэрч, шүүгдэгчдийн мэдүүлэг, шинжээчийн дүгнэлт, хэрэг учралын газрын үзлэгийн тэмдэглэл болон бусад нотлох баримтыг харгалзаж үзсэн. Анхан шатны шүүхийн шийтгэх тогтоол нь үндэслэлтэй болсон бөгөөд хэргийн зүйлчлэл, оногдуулсан ял нь тохирсон гэж дүгнэлээ. Гэвч анхан шатны шүүх нь Н.Ариунболдын бусдын бие махбодид хөнгөн гэмтэл учруулсан үйлдлийг хөөн хэлэлцэх хугацаа дууссан гэж эрүүгийн хариуцлагаас чөлөөлөхдөө Эрүүгийн байцаан шийтгэх хуулийн зарим зохицуулалтыг баримтлаагүй, мөн дээрэмдэх гэмт хэрэг үйлдсэн хэргээр ял оногдуулахдаа Эрүүгийн хуулийн ерөнхий ангийн 60 дугаар зүйлийг буруу хэрэглэсэн байх тул эдгээр хэсгийг өөрчилж, Н.Ариунболдын давж заалдах гомдлыг хэрэгсэхгүй болгох нь зүйтэй гэж шүүх бүрэлдэхүүн дүгнэлээ.