Тогтоол №2971

ХЭРГИЙН ТАНИЛЦУУЛГА: Шүүгдэгч Б.Орхонбаатар нь согтууруулах ундаа хэрэглэсэн үедээ иргэн Г.Зэстийг ямар нэгэн шалтгаангүйгээр зодож, биед нь хүндэвтэр гэмтэл учруулан танхайн гэмт хэрэг үйлдсэн. Энэ хэрэгт Эрүүгийн хуулийн тусгай ангийн 181 дүгээр зүйлийн 181.2.1-д заасан гэмт хэрэгт холбогдуулан яллах дүгнэлт үйлдсэн.

АНХАН ШАТ: Анхан шатны шүүх Б.Орхонбаатарыг Эрүүгийн хуулийн тусгай ангийн 181.2.1-д зааснаар гэм буруутайд тооцож, гурван жил хорих ял оногдуулсан. Эрүүгийн хуулийн ерөнхий ангийн 61.1, 61.4-т зааснаар уг ялыг тэнсэж, гурван жилийн хугацаагаар хянан харгалзахаар шийдвэрлэсэн. Хохирогчийг иргэний журмаар нэхэмжлэх эрхтэй болохыг дурдсан.

ДАВЖ ЗААЛДАХ ШАТ: Дээд шатны прокурор эсэргүүцэл бичихдээ, анхан шатны шүүхийн шийдвэр нь Эрүүгийн хуулийн 181.2.1-д заасан ялын доод хэмжээ болох "гурваас дээш таван жил хүртэл" хорих ялаас доогуур буюу гурван жил хорих ял оногдуулсан нь хуулийг буруу хэрэглэсэн тул тогтоолыг хүчингүй болгож, хэргийг дахин хэлэлцүүлэхээр буцаахыг хүссэн. Давж заалдах шатны шүүх прокурорын эсэргүүцлийг хүлээн авч, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шүүхэд буцаасан.

ҮНДЭСЛЭЛ: Давж заалдах шатны шүүх анхан шатны шүүх Эрүүгийн хуулийн тусгай ангийн 181.2.1-д заасан ялын доод хэмжээ болох гурваас дээш жил хорих ялаас доогуур ял оногдуулсан нь Эрүүгийн хуулийг буруу хэрэглэсэн гэж үзсэн. Иймд дээд шатны прокурорын эсэргүүцэл үндэслэлтэй байна. Хэргийг анхан шатны шүүхээр дахин хэлэлцүүлэх нь зүйтэй.