Тогтоол №18806

ХЭРГИЙН ТАНИЛЦУУЛГА: Бусдыг хуурч, эд хөрөнгийг нь авсан, мөн бусдын эд хөрөнгийг хууль бусаар авсан гэмт хэрэгт холбогдсон этгээдийн хэргийг анхан шатны шүүх хэлэлцэв. АНХАН ШАТ: Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан хуурах, 17.1 дүгээр зүйлийн 1 дэх хэсэгт заасан бусдын эд хөрөнгийг хууль бусаар авах гэмт хэргүүдэд гэм буруутайд тооцож, зорчих эрхийг хязгаарлах ял оногдуулж, нийт ялыг 1 жил 6 сараар тогтоов. ДАВЖ ЗААЛДАХ ШАТ: Прокурор ял оногдуулахдаа Эрүүгийн хуулийг буруу хэрэглэсэн, зорчих эрхийг хязгаарлах ялын хүрээг хэт өргөн тогтоосон, үндэслэлгүй гэж үзэн эсэргүүцэл гаргав. Давж заалдах шатны шүүх анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр шийдвэрлэв.

ҮНДЭСЛЭЛ: Анхан шатны шүүхээс оногдуулсан зорчих эрхийг хязгаарлах ялын хүрээг "Говь-Алтай аймгийн нутаг дэвсгэрээс гадагш гарахыг хориглох" гэж тогтоосон нь Эрүүгийн хуулийн ерөнхий ангийн 5.5 дугаар зүйлийн 1 дэх хэсэгт заасан "өөрийн оршин суух газраас явахыг хориглох" гэх ойлголтыг буруу хэрэглэсэн, мөн эрүүгийн хариуцлагын зорилгод нийцээгүй, шийдвэр тодорхойгүй, биелүүлэхэд эргэлзээ төрүүлсэн тул прокурорын эсэргүүцлийг хангаж, хэргийг дахин хэлэлцүүлэхээр боллоо.