Тогтоол №18438

ХЭРГИЙН ТАНИЛЦУУЛГА: Эр, гэр бүлийн хамааралтай этгээдээ хүндэвтэр хохироосон хэрэг. АНХАН ШАТ: Гэр бүлийн хүчирхийлэл үйлдэж, эрүүл мэндэд хүндэвтэр хохирол учруулсан үйлдлийг Эрүүгийн хуулийн тусгай ангийн 11.4 дүгээр зүйлийн 2 дахь хэсгийн 2.1 дэх заалтад зааснаар тогтоож, 1 жил 6 сарын хорих ял оногдуулж, 223,500 төгрөгийг хохирогчид төлүүлэхээр шийтгэсэн. ДАВЖ ЗААЛДАХ ШАТ: Шүүгдэгч нь ялыг хөнгөрүүлэх, Эрүүгийн хуулийн ерөнхий ангийн 6.7 дугаар зүйлийг хэрэглэх талаар гомдол гаргасан. Мөн хохирогчийн зүгээс гомдолгүй байдлаа илэрхийлсэн.

ҮНДЭСЛЭЛ: Давж заалдах шатны шүүх хэргийг бүхэлд нь хянан үзээд, анхан шатны шүүхийн шийдвэр Эрүүгийн хууль, Эрүүгийн хэрэг хянан шийдвэрлэх тухай хуульд нийцсэн, нотлох баримтуудаар гэм буруутай нь тогтоогдсон, оногдуулсан ял нь гэмт хэргийн шинж чанар, учруулсан хохирол, шүүгдэгчийн хувийн байдалд тохирсон, хууль ёсны бөгөөд шударга ёсны зарчимд нийцсэн байна гэж дүгнэн, анхан шатны шүүхийн шийтгэх тогтоолыг хэвээр үлдээж, давж заалдах гомдлыг хэрэгсэхгүй болгосон. Шүүгдэгчийн хохирол төлсөн, гэм буруугаа хүлээн зөвшөөрсөн байдал нь Эрүүгийн хуулийн ерөнхий ангийн 6.7 дугаар зүйлийг хэрэглэх үндэслэл болохгүй гэж үзсэн.