Тогтоол №1753

ХЭРГИЙН ТАНИЛЦУУЛГА: Хохирогч нь бусдыг илтэд үл хүндэтгэн, бие махбодид нь хүндэвтэр гэмтэл учруулж, нийгмийн хэв журмыг ноцтой зөрчсөн танхайрсан хэмээх хэргээр ял сонссон этгээдүүдийн үйлдлийг эс зөвшөөрч давж заалдсан. АНХАН ШАТ: Танхайрсан болон бүлэглэж үйлдсэн үйлдлийг Эрүүгийн хуулийн тусгай ангийн 181 дүгээр зүйлийн 181.2.1, 181.2.5-д зааснаар зүйлчилж, яллагдагчдыг 3 жил 1 сар хорих ял оногдуулж, гэхдээ Эрүүгийн хуулийн ерөнхий ангийн 61 дүгээр зүйлийн 61.1, 61.4-ийг баримтлан ялыг тэнсэж, 1 жилийн хугацаагаар хянан харгалзахаар шийдвэрлэсэн. ДАВЖ ЗААЛДАХ ШАТ: Хохирогч ялыг биечлэн эдлүүлэх шаардлагагүй гэж үзсэнтэй санал нийлэхгүй, учруулсан хохирлыг бүрэн барагдуулаагүй гэж гомдол гаргасан. Прокурор болон анхан шатны шүүхийн дүгнэлт, шийдвэрийг дэмжсэн. Давж заалдах шатны шүүх анхан шатны шүүхийн шийдвэрийг хэвээр үлдээж, хохирогчийн гомдлыг хэрэгсэхгүй болгосон.

ҮНДЭСЛЭЛ: Хохирогч нь давж заалдах шатны шүүхэд хандахдаа учруулсан хохирлоо бүрэн барагдуулаагүй гэж гомдол гаргасан боловч, хэргийн материалыг шалгахад хохирогч нь анхан шатны шүүхэд гаргасан өргөдөлдөө хохирлоо бүрэн барагдуулсан, цаашид нэхэмжлэх зүйлгүй, шүүх хуралдаанд оролцохгүй гэдгээ илэрхийлсэн байсан. Иймд анхан шатны шүүх ялыг тэнсгэж шийдвэрлэсэн нь хууль ёсны бөгөөд үндэслэлтэй гэж үзсэн. Мөн гэм буруутай үйлдлийн хууль зүйн зүйлчлэл болон Эрүүгийн хууль, Эрүүгийн байцаан шийтгэх хуулийг хэрэглэхдээ ноцтой зөрчил гаргаагүй гэж дүгнэсэн.