Тогтоол №17334

ХЭРГИЙН ТАНИЛЦУУЛГА: Хуурамч баримт бичиг бүрдүүлж, бодит байдлыг нуун далдлан, итгэл урвуулан ашиглаж, нийт 578.600.000 төгрөгийн их хэмжээний хохирол учруулсан гэмт хэрэгт холбогдсон хэрэг. АНХАН ШАТ: Хуурч, баримт бичиг ашиглан, зохиомол байдал бий болгож, бусдыг төөрөгдөлд оруулан, итгэл урвуулан, өмчлөгчийн эд хөрөнгийг шилжүүлэн авч их хэмжээний хохирол учруулсан гэм буруутайд тооцож, 3 жил 6 сар хорих ялаар шийтгэж, 557.600.000 төгрөгийг хохирогчдод төлүүлэхээр шийдвэрлэсэн. ДАВЖ ЗААЛДАХ ШАТ: Анхан шатны шүүхийн шийтгэх тогтоолыг эс зөвшөөрч, бусдыг залилсан, хохирогчдын нэхэмжлэлийг шийдвэрлэхдээ хууль зүйн үндэслэлгүй гэх гомдлууд ирүүлсэн.

ҮНДЭСЛЭЛ: Давж заалдах шатны шүүх анхан шатны шүүхийн шийдвэрийг хэсэгчлэн өөрчилж, шүүгдэгчээс гаргуулж хохирогч Б.У-д 350.000.000 төгрөг, хохирогч Э.М-д 25.000.000 төгрөг, хохирогч Д.С-д 182.600.000 төгрөг тус тус олгуулахаар тогтоожээ. Шүүгдэгчийн ял эдлэх хугацаанд цагдан хоригдсон 57 хоногийг оруулан тооцсон.