Тогтоол №15414

ХЭРГИЙН ТАНИЛЦУУЛГА: Хуулийн этгээдийн үйл ажиллагааны улмаас иргэний эрүүл мэндэд хохирол учруулсан хэргийг хянан шийдвэрлэх явцад шүүхээс Эрүүгийн хуулийг буруу хэрэглэсэн тухай маргаан. АНХАН ШАТ: Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар буюу хүний эрүүл мэндэд хөнгөн хохирол санаатай учруулсан гэмт хэрэг үйлдсэнд тооцож, Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.1-д заасныг журамлан ялаас чөлөөлөх шийдвэр гаргасан. ДАВЖ ЗААЛДАХ ШАТ: Прокуророос анхан шатны шүүхийн шийдвэр нь хууль ёсны бөгөөд үндэслэлтэй байх шаардлагыг хангаагүй, Эрүүгийн хуулийг буруу хэрэглэсэн, хэргийг хялбаршуулсан журмаар шийдвэрлэсэн гэж эргэлзээ төрүүлж байгаа, Эрүүгийн хуулийн 5.1 дүгээр зүйлийн 2 дахь хэсэг болон 6.7 дугаар зүйлийн 1 дэх хэсгийн 1.1 дэх заалтыг зөрчсөн гэж үзэн эсэргүүцэл бичсэн.

ҮНДЭСЛЭЛ: Анхан шатны шүүх шүүгдэгчийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан хөнгөн хохирол учруулсан гэмт хэрэгт гэм буруутайд тооцсон нь хэргийн бодит байдалтай нийцсэн. Гэвч Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.1-д заасныг журамлан Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар оногдуулах эрүүгийн хариуцлагаас бус, ялаас чөлөөлөх ёстой байсан. Эрүүгийн хуулийн 5.1 дүгээр зүйлийн 2 дахь хэсэгт "Эрүүгийн хариуцлага нь ял, албадлагын арга хэмжээнээс бүрдэнэ" гэж заасныг зөрчсөн тул анхан шатны шүүхийн шийтгэх тогтоолын тогтоох хэсэгт "эрүүгийн хариуцлагаас чөлөөлсүгэй" гэснийг "ял, албадлагын арга хэмжээнээс чөлөөлсүгэй" гэж өөрчилж, прокурорын эсэргүүцлийн зарим хэсгийг хангасан.