Тогтоол №14296

ХЭРГИЙН ТАНИЛЦУУЛГА: Бүлэглэн хулгайлах гэмт хэрэг үйлдсэн хэргээр шүүгдэгч нар холбогдсон. АНХАН ШАТ: Шүүгдэгч нарыг хулгайлах гэмт хэрэг үйлдсэнд тооцон ялласан. Тухайлбал, нэг шүүгдэгчийг нэг жил, нөгөөг хоёр жил зургаан сараар хорих ялаар, харин гурав дахь шүүгдэгчийг өмнөх ялтай нэмж гурав жил найман сар 21 хоногоор хорих ялаар шийтгэсэн. Мөн гэмт хэргийн улмаас олсон орлогыг улсын төсөвт шилжүүлэхээр шийдвэрлэсэн. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолыг эс зөвшөөрч, хэргийг машины механизм ашиглан үйлдсэнийг харгалзахгүй, мөн хулгайлах гэмт хэрэг төгсөөгүй байхад машины механизм ашигласан гэх үндэслэлүүдээр Эрүүгийн хуулийг буруу хэрэглэсэн гэж үзсэн.

ҮНДЭСЛЭЛ: Давж заалдах шатны шүүхээс анхан шатны шүүх хулгайлах гэмт хэргийг машин механизм ашиглан үйлдсэнийг Эрүүгийн хуулийн 34.19 дүгээр зүйлийн 1 дэх хэсгийн 1.1-д зааснаар хэрэгсэхгүй болгосон нь Эрүүгийн хуулийг буруу хэрэглэсэн гэж үзсэн. Хулгайлах гэмт хэрэг нь эд зүйлийг өөрийн эд хөрөнгө мэтээр эзэмших, ашиглах, захиран зарцуулах боломж бүрдснээр төгссөнд тооцогддог. Гэтэл шүүгдэгч нар хулгайлсан эд зүйлээ өөрийн эд зүйлийн адил захиран зарцуулах бодит бололцоо нөхцөл бүрдээгүй байсан. Мөн гэмт үйлдлээ хөнгөвчилж, түргэтгэх зорилгоор машин механизм ашигласан нь гэмт хэргийн нөхцөл байдлаас харагдаж байсан тул шүүх шүүгдэгч нарт холбогдох хэргийг хянан шийдвэрлэхдээ буруу тайлбарлаж, Эрүүгийн хэрэг хянан шийдвэрлэх тухай хуулийн 34.19 дүгээр зүйлийн 1 дэх хэсгийн 1.1-д зааснаар хэрэгсэхгүй болгож шийдвэрлэсэн нь Эрүүгийн хэрэг хянан шийдвэрлэх тухай хуулийн 39.7 дугаар зүйлийн 1.3 дахь хэсэгт хамаарч байх тул анхан шатны шүүхийн шийтгэх тогтоолыг хүчингүй болгож, хэргийг анхан шатны шүүхээр дахин хэлэлцүүлэхээр буцаасан.