Тогтоол №14091

ХЭРГИЙН ТАНИЛЦУУЛГА: Жагсаал, цуглаанд оролцогч Д.Од нь хууль сахиулагчийг албан үүргээ гүйцэтгэх үед нь хүч хэрэглэж, биед нь гэмтэл учруулсан хэргээр буруутгагдсан. АНХАН ШАТ: Д.Ог Эрүүгийн хуулийн тусгай ангийн 23.1 дүгээр зүйлийн 1 дэх хэсэгт зааснаар хууль сахиулагчийг эсэргүүцсэн гэмт хэрэгт буруутайд тооцож, 6 сар зорчих эрхийг хязгаарлах ял оногдуулж, тодорхой хязгаарлалтууд тогтоосон. ДАВЖ ЗААЛДАХ ШАТ: Өмгөөлөгч нь хохирогч нь хууль сахиулагч мөн болохыг нотлох баримт хангалтгүй, Д.О-гийн үйлдлийг эсэргүүцсэн гэдгийг нотлох баримт бүрэн бус гэж гомдол гаргасан.

ҮНДЭСЛЭЛ: Давж заалдах шатны шүүх хэргийн бүх нотлох баримтыг хянаад, Д.О нь жагсаал, цуглаан хийх журмыг зөрчиж, албан үүргээ гүйцэтгэж байсан хууль сахиулагчийг эсэргүүцсэн болох нь нотлогдсон гэж үзсэн. Хохирогч нь хууль сахиулагч болох нь баримтаар тогтоогдсон. Анхан шатны шүүхийн шийтгэх тогтоол нь Эрүүгийн хуулийг зөрөөгүй, гэм бурууг зөв тогтоосон. Зөвхөн хязгаарлалтын заалтад өөрчлөлт оруулж, бусад хэсгийг хэвээр үлдээв.