Тогтоол №14049

ХЭРГИЙН ТАНИЛЦУУЛГА: Иргэн Ч.Н нь хонь хулгайлсан хэргээр буруутгагдан шалгагдаж байсан. АНХАН ШАТ: Шүүгдэгч Ч.Н-ийг бусдын малыг машин ашиглан хулгайлсан гэм буруутайд тооцож, 2 жил хорих ял оногдуулж, улсын төсөвт 11,704,000 төгрөг гаргуулсан. ДАВЖ ЗААЛДАХ ШАТ: Шүүгдэгч болон түүний өмгөөлөгч нь анхан шатны шүүхийн шийдвэрийг эс зөвшөөрч, хэрэг хянан шийдвэрлэх ажиллагааны явцад нотлох баримт хангалтгүй, гэрч, хохирогч, яллагдагчийн мэдүүлгүүд зөрүүтэй байгаа, нэмэлт мөрдөн байцаалт хийх шаардлагатай байсан гэж гомдол гаргасан.

ҮНДЭСЛЭЛ: Давж заалдах шатны шүүхээс анхан шатны шүүхийн шийдвэрийг хүчингүй болгож, хэргийг нэмэлт мөрдөн байцаалт хийлгүүлэхээр прокурорт буцаасан. Учир нь мөрдөн шалгах ажиллагааны явцад нотолбол зохих байдлуудыг бүрэн тогтоогоогүй, гэрч, хохирогч, яллагдагчийн мэдүүлгүүд зөрүүтэй байхад эдгээрийн зөрчлийг арилгах ажиллагаа хийгдээгүй, хэргийн бодит байдал тодорхойгүй, хамтран оролцсон этгээдүүдийн үйлдлийг шалгаж тогтоогоогүй нь Эрүүгийн хэрэг хянан шийдвэрлэх тухай хуулийг ноцтой зөрчсөн гэж дүгнэжээ.