Тогтоол №13522

ХЭРГИЙН ТАНИЛЦУУЛГА: Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан "хүний эрүүл мэндэд хөнгөн хохирол санаатай учруулах" гэмт хэрэгт сэжиглэгдэж буй шүүгдэгч З.Б-ийн үйлдлийг хохирогч П.Х-ын биед хөнгөн хохирол учруулсан гэж үзэн анхан шатны шүүхээс шийтгэх тогтоол гаргасан. АНХАН ШАТ: Шүүгдэгч З.Б-ийг хүний эрүүл мэндэд хөнгөн хохирол санаатай учруулсан гэм буруутайд тооцож, 600 нэгжтэй тэнцэх хэмжээний буюу 600,000 төгрөгөөр торгох ялаар шийтгэж, Өршөөл үзүүлэх тухай хуулиар торгох ялаас чөлөөлж, хохирогчийн нэхэмжилсэн 3,500,000 төгрөгөөс 51,600 төгрөгийг гаргуулан олгож, үлдэх хэсгийг нь иргэний хэргийн шүүхээр шийдвэрлүүлэхээр үлдээсэн. ДАВЖ ЗААЛДАХ ШАТ: Шүүгдэгчийн өмгөөлөгч шинжээчийн дүгнэлт болон эмнэлгийн баримт бичигт гарсан зөрчлүүд, мөрдөн шалгах ажиллагааны явцад гаргасан хүсэлтийг хангаагүй зэрэг үндэслэлээр анхан шатны шүүхийн шийтгэх тогтоолыг хүчингүй болгуулахаар гомдол гаргасан. ҮНДЭСЛЭЛ: Шүүгдэгч болон түүний өмгөөлөгчийн гаргасан хүсэлтийг хангаагүй, нотлох баримтыг шалгах, цуглуулах ажиллагааг хуулийн дагуу явуулаагүйгээс хэргийн бодит байдал бүрэн тогтоогдоогүй байхад анхан шатны шүүх шийдвэр гаргасан тул анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаасан.