Тогтоол №13276

ХЭРГИЙН ТАНИЛЦУУЛГА: Залилах, хуурамч баримт бичиг ашиглах, бусдыг төөрөгдөлд оруулах гэмт хэрэгт холбогдсон этгээдүүдийн эрүүгийн хэргийг хянан хэлэлцсэн. АНХАН ШАТ: Хуурамч итгэмжлэл, баримт бичиг ашиглан бусдыг залилж, их хэмжээний хохирол учруулсан үндэслэлээр шүүгдэгч Б.А-г 6 жил, Р.А-г 5 жил 6 сар, С.Т-г 3 жилийн хорих ялаар, нотариатч В.Б-г 20 сая төгрөгөөр торгож, 3 жилийн хугацаагаар нотариатын эрх хасч шийтгэсэн. ДАВЖ ЗААЛДАХ ШАТ: Иргэний нэхэмжлэгч болон шүүгдэгч нар давж заалдах гомдол гаргасан. Иргэний нэхэмжлэгч Д.Ариунцэцэг нь Хаан банкнаас авсан зээлийн хохирлыг шүүгдэгч нараас гаргуулан өөрт нь олгосон шийдвэртэй холбоотой гомдол гаргасан. Шүүгдэгч С.Т болон түүний өмгөөлөгч хөөн хэлэлцэх хугацаа дууссан гэх үндэслэлээр, бусад шүүгдэгчид болон өмгөөлөгчид хэргийн бодит байдал, хууль хэрэглээнд алдаа гарсан, хөөн хэлэлцэх хугацаа дууссан зэрэг үндэслэлээр гомдол гаргасан.

ҮНДЭСЛЭЛ: Давж заалдах шатны шүүхээс анхан шатны шүүхийн шийтгэх тогтоолын 8 дахь заалтыг өөрчилж, Хаан банкны салбарт хохирол төлүүлэхээр заасан. Бусад давж заалдах гомдлуудыг хэрэгсэхгүй болгосон. Хөөн хэлэлцэх хугацаа дуусаагүй, гэмт хэргийн үйлдсэн нотлогдсон тул ял шийтгэлийг хэвээр үлдээсэн.