Тогтоол №13072

ХЭРГИЙН ТАНИЛЦУУЛГА: Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар бусдын биед хүнд хохирол санаатай учруулсан гэмт хэрэгт Ч.М холбогдсон. АНХАН ШАТ: Анхан шатны шүүх Ч.М-ийг гэм буруутайд тооцож, Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар 5 жилийн хорих ял оногдуулж, Өршөөл үзүүлэх тухай хуулийн 6 дугаар зүйлийн 6.2-т зааснаар 2 жилийн ялыг хасаж, 3 жил эдлүүлэхээр шийдвэрлэсэн. ДАВЖ ЗААЛДАХ ШАТ: Прокурор Өршөөл үзүүлэх тухай хуулийг буруу хэрэглэсэн гэж үзэн давж заалдсан. Давж заалдах шатны шүүх шүүгдэгчийн өмнөх тэнссэн ялыг өршөөлд хамруулан хэрэгсэхгүй болгож, оногдуулсан ялыг 3 жил болгон өөрчилсөн.

ҮНДЭСЛЭЛ: Давж заалдах шатны шүүх Өршөөл үзүүлэх тухай хуулийн 12 дугаар зүйлийн 12.1 дэх хэсэг нь хэргийг аль шатанд шийдвэрлэж байгаагаас үл хамааран хэрэглэх журмыг тогтоодог гэж үзсэн. Мөн Өршөөл үзүүлэх тухай хуулийн 5 дугаар зүйлийн 5.2, 6 дугаар зүйлийн 6.2, 12 дугаар зүйлийн 12.4, 12.12 дахь хэсгүүдийг баримтлан шүүгдэгчийн өмнөх тэнссэн ялыг өршөөн хэрэгсэхгүй болгосон нь түүний эрх зүйн байдлыг дээрдүүлсэн гэж дүгнэсэн.