Тогтоол №12966

ХЭРГИЙН ТАНИЛЦУУЛГА: Архи согтууруулах ундааны зүйл хэрэглэсэн үедээ бусдыг сүхээр цохиж хүнд хохирол учруулсан хэрэг. АНХАН ШАТ: Гэм буруутайд тооцож, Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар 3 жил 5 сарын хорих ял оногдуулж, нээлттэй хорих байгууллагад эдлүүлэхээр тогтоосон. ДАВЖ ЗААЛДАХ ШАТ: Шүүгдэгч болон түүний өмгөөлөгчөөс анхан шатны шүүхийн шийтгэх тогтоолыг эс зөвшөөрч, хүндрүүлэх нөхцөл байдал тогтоогдоогүй байхад Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар зүйлчилсэн нь буруу, Эрүүгийн хэрэг хянан шийдвэрлэх тухай хуулийг зөрчсөн гэж гомдол гаргасан. ҮНДЭСЛЭЛ: Анхан шатны шүүхээс Эрүүгийн хуулийг буруу хэрэглэсэн, Эрүүгийн хэрэг хянан шийдвэрлэх тухай хуулийг ноцтой зөрчсөн нь шүүхийн шийдвэрт нөлөөлсөн үндэслэлтэй байна. Хэргийн нөхцөл байдал, нотлох баримтуудыг бүхэлд нь хянахад, шүүгдэгчийн үйлдлийг Эрүүгийн хуулийн тусгай ангийн 11.1 дүгээр зүйлийн 2 дахь хэсгийн 2.4-т зааснаар зүйлчлэхэд үндэслэлгүй гэж үзэн, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр анхан шатны шүүхэд буцаах нь зүйтэй.