Тогтоол №12727

ХЭРГИЙН ТАНИЛЦУУЛГА: Гурван хүнд бүлэглэн, тээврийн хэрэгсэл ашиглан, олон тооны малыг хулгайлж, хохирол учруулсан хэрэгт холбогдсон. АНХАН ШАТ: Тээврийн хэрэгсэл ашиглан, бүлэглэн бусдын олон тооны малыг хулгайлсан гэм буруутайд тооцож, Эрүүгийн хуулийн тусгай ангийн 17.12 дугаар зүйлийн 2-т зааснаар ял оногдуулж, өмнөх гэмт хэрэг, шийтгэх тогтоолоор оногдуулсан ялыг нэмж нэгтгэн биечлэн эдлэх ялыг тогтоосон. ДАВЖ ЗААЛДАХ ШАТ: Анхан шатны шүүх хууль буруу хэрэглэсэн, хэрэглэх ёстой хуулийг хэрэглээгүй, гэмт хэргийн улмаас учирсан хохирлыг бууруулах, хүндрүүлэх нөхцөл байдлыг буруу тогтоосон, шүүх хуулийн зүйл хэсгийг буруу тайлбарлаж хэрэглэсэн, хэргийн болон шүүгдэгчдийн биечлэн эдлэх ялыг тогтоохдоо эрх зүйн байдлыг нь хүндрүүлсэн, мөн гэмт хэрэг үйлдэх үедээ өсвөр насны байсан шүүгдэгчийн эрх зүйн байдлыг хөнгөрүүлэх хуулийг хэрэглээгүй зэрэг үндэслэлээр анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шүүхэд буцаасан.

ҮНДЭСЛЭЛ: Анхан шатны шүүхийн шийтгэх тогтоол нь Эрүүгийн хуулийн ерөнхий ангийн 1.3 дугаар зүйлд заасан шударга ёсны зарчимд нийцээгүй, Эрүүгийн хууль болон Эрүүгийн хэрэг хянан шийдвэрлэх тухай хуулийг ноцтой зөрчсөн, хэрэглэх ёстой хуулийг хэрэглээгүй, хуулийг буруу тайлбарлаж хэрэглэсэн, шүүх шийдвэрт нөлөөлж болох нөхцөл байдлыг анхаарч үзээгүй, шийтгэх тогтоолын заалтууд нь хоорондоо зөрүүтэй бичигдсэн зэрэг үндэслэлүүдээр анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр мөн шүүхэд буцаах нь зүйтэй.