Тогтоол №12505

ХЭРГИЙН ТАНИЛЦУУЛГА: Хүний биед хөнгөн хохирол санаатай учруулсан хэргээр шүүгдэгч Б.Б-д холбогдох хэргийг анхан шатны шүүх шийтгэх тогтоол гаргасныг шүүгдэгч болон түүний өмгөөлөгч нар эс зөвшөөрч давж заалджээ.

АНХАН ШАТ: Шүүгдэгч Б.Б-г хүний эрүүл мэндэд хөнгөн хохирол санаатай учруулах гэмт хэрэг үйлдсэн гэм буруутайд тооцож, Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 1,350,000 төгрөгөөр торгох ял оногдуулж, 120,000 төгрөгийг хохирогчид гаргуулан олгохоор шийдвэрлэсэн.

ДАВЖ ЗААЛДАХ ШАТ: Шүүгдэгч болон өмгөөлөгч нь хэрэгт ач холбогдол бүхий гэрч, нотлох баримтуудыг бүрэн шалгаж тогтоогоогүй, Эрүүгийн хуулийг буруу тайлбарлан хэрэглэж, гэмт хэргийн хөөн хэлэлцэх хугацаа дууссан байхад ял оногдуулсан гэж гомдол гаргажээ.

ҮНДЭСЛЭЛ: Давж заалдах шатны шүүх хэргийг хянан хэлэлцээд, гэмт хэргийн хөөн хэлэлцэх хугацаа нь Эрүүгийн хуулийн ерөнхий ангийн 1.10 дугаар зүйлийн 1 дэх хэсгийн 1.1 дэх заалтад зааснаар 1 жил бөгөөд хэрэг үүсгэснээс хойш хугацаа нь өнгөрсөн болохыг тогтоож, анхан шатны шүүхийн шийтгэх тогтоолын тогтоох хэсэгт "Шүүгдэгч Б.Б-д холбогдох Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийг Эрүүгийн хэрэг хянан шийдвэрлэх тухай хуулийн 34.19 дүгээр зүйлийн 1 дэх хэсгийн 1.2 дахь заалтад заасан үндэслэлээр хэрэгсэхгүй болгож, түүнийг эрүүгийн хариуцлагаас чөлөөлсүгэй" гэсэн нэмэлт заалт оруулж, тогтоох хэсгийн бусад заалтуудыг хүчингүй болгожээ.