Тогтоол №12108

ХЭРГИЙН ТАНИЛЦУУЛГА: Гэр бүлийн хүчирхийлэл үйлдэн, гэр бүлийн хамаарал бүхий хүний эрүүл мэндэд хүндэвтэр болон хүнд хохирол учруулсан этгээдэд оногдуулсан ял шийтгэлийг хөнгөрүүлэх тухай давж заалдах гомдол. АНХАН ШАТ: Эрүүгийн хуулийн тусгай ангийн 11.7, 11.4, 11.1 дүгээр зүйлд зааснаар гэр бүлийн хүчирхийлэл, хүний эрүүл мэндэд хүндэвтэр болон хүнд хохирол учруулсан гэмт хэрэг үйлдсэн гэм буруутайд тооцож, нийт 7 жилийн хорих ялаар шийтгэсэн. ДАВЖ ЗААЛДАХ ШАТ: Шүүгдэгч өөрийн эрүүл мэндийн байдал, гэм буруугаа хүлээн зөвшөөрч байгаа байдлыг харгалзан ялыг хөнгөрүүлэхийг хүссэн. Хохирогч мөн ялыг хөнгөрүүлэхийг хүссэн. ҮНДЭСЛЭЛ: Анхан шатны шүүхээс оногдуулсан ял шийтгэлийг хуульд заасан үндэслэл, журмын дагуу хэлэлцэн, нотлох баримтуудыг шинжлэн судлаад, гэр бүлийн хүчирхийлэл, хүний эрүүл мэндэд хүндэтэвтэр болон хүнд хохирол учруулсан үйлдлүүдийг тогтоосон. Шүүгдэгчийн гэм буруугаа хүлээн зөвшөөрч, гэмшсэн байдал, хохирогчийн хүсэлтийг харгалзан, Эрүүгийн хуулийн ерөнхий ангийн 6.7 дугаар зүйлийг журамлан, оногдуулсан ялыг хөнгөрүүлэн, нийт биечлэн эдлэх ялыг 5 жил 6 сар болгон өөрчилсөн.