Тогтоол №11810

ХЭРГИЙН ТАНИЛЦУУЛГА: Хулгайн хэргээр цагаатгагдсан этгээдийн үйлдлийг Эрүүгийн хуулийн тусгай ангийн 17.1 дүгээр зүйлийн 1 дэх хэсэгт зааснаар зүйлчлэн яллах дүгнэлт үйлдсэн. АНХАН ШАТ: Эрүүгийн хэрэг хянан шийдвэрлэх тухай хуулийн 1.15 дугаар зүйлийн 2, 34.19 дүгээр зүйлийн 1 дэх хэсгийн 1.1 дэх заалтыг баримтлан, гэмт хэргийн шинжгүй гэх үндэслэлээр хэргийг хэрэгсэхгүй болгож, шүүгдэгчийг цагаатгасан. ДАВЖ ЗААЛДАХ ШАТ: Прокурор анхан шатны шүүхийн цагаатгах тогтоолыг хууль зүйн үндэслэлгүй хэмээн үзэж эсэргүүцэл гаргасан. Шүүхэд өгсөн гэрч нарын мэдүүлэг нь мөрдөн байцаалтын шатанд өгсөн мэдүүлгээс эрс зөрүүтэй байсан нь хэргийн бодит байдлыг тогтооход эргэлзээ төрүүлсэн. ҮНДЭСЛЭЛ: Анхан шатны шүүх нь шүүгдэгчийн мэдүүлэг болон бусад нотлох баримтыг харьцуулан шинжлэхгүйгээр, зөрүүтэй мэдүүлгийг шууд үнэлэн цагаатгах тогтоол гаргасан нь Эрүүгийн хэрэг хянан шийдвэрлэх тухай хуулийн шаардлагыг хангаагүй. Гэрч нарын мэдүүлгийн зөрүүтэй байдлыг тогтоож, хэргийг прокурорт буцаах боломжийг анхаарч үзээгүй. Иймд анхан шатны шүүхийн цагаатгах тогтоолыг хүчингүй болгож, хэргийг дахин хэлэлцүүлэхээр анхан шатны шүүхэд буцаасан.