Тогтоол №11398

ХЭРГИЙН ТАНИЛЦУУЛГА: Г.Б нь согтуурсан үедээ гэр бүлийн хүчирхийлэл үйлдэн, хамтран амьдрагчийн эрүүл мэндэд хөнгөн хохирол учруулсан хэрэг. АНХАН ШАТ: Г.Б-г Эрүүгийн хуулийн 11.6 дугаар зүйлийн 2 дахь хэсэгт заасан гэмт хэрэг үйлдсэнд тооцон, 480 цагийн нийтэд тустай ажил хийлгэх ял оногдуулсан. ДАВЖ ЗААЛДАХ ШАТ: Прокурор нь анхан шатны шүүхийн шийтгэх тогтоолын тодорхойлох хэсэгт ял оногдуулах үндэслэлийг тодорхой тусгаагүй, хялбаршуулсан журмын заалтыг буруу хэрэглэсэн, уншиж сонсгосон тогтоох хэсэг болон гардуулсан тогтоох хэсэг зөрүүтэй байсныг үндэслэн эсэргүүцэл гаргасан.

ҮНДЭСЛЭЛ: Анхан шатны шүүх нь Эрүүгийн хэрэг хянан шийдвэрлэх тухай хуулийн 36.7 дугаар зүйлийн 3.1, 39.8 дугаар зүйлийн 1.6, 39.8 дугаар зүйлийн 1.8-д заасан шаардлагуудыг ноцтой зөрчсөн тул шийтгэх тогтоолыг хүчингүй болгон хэргийг дахин хэлэлцүүлэхээр анхан шатны шүүхэд буцаав.