Тогтоол №11233

ХЭРГИЙН ТАНИЛЦУУЛГА: Согтууруулах ундааны зүйл хэрэглэсэн үедээ хүний эрүүл мэндэд хөнгөн хохирол учруулсан хэрэг. АНХАН ШАТ: Хүний эрүүл мэндэд хөнгөн хохирол учруулсан гэм буруутайд тооцож, 450,000 төгрөгөөр торгох ял оногдуулсан. Торгох ялыг 90 хоногийн дотор хэсэгчлэн төлөхөөр тогтоож, хугацаанд биелүүлээгүй тохиолдолд хорих ялаар солих нөхцөлийг мэдэгдсэн. Хохирогч гомдолгүй, нэхэмжлэх зүйлгүй гэж тэмдэглэсэн. ДАВЖ ЗААЛДАХ ШАТ: Хохирогч шүүх хуралдаанаас хойш хохирлоо нөхөн төлөх талаар уулзаагүй, холбогдоогүй, хохирлыг төлөөгүй тул анхан шатны шүүхийн шийтгэх тогтоолыг хүчингүй болгож, хэргийг дахин шийдвэрлүүлэхээр буцаахыг хүссэн. Прокурор анхан шатны шүүхийн шийдвэрийг хэвээр үлдээх саналтай байсан.

ҮНДЭСЛЭЛ: Хохирогч нь шүүгдэгчийн үйлдсэн гэмтлийн улмаас учруулсан хохирлоо нөхөн төлнө гэж прокурорын шатанд илэрхийлж, хэргийг хялбаршуулсан журмаар шийдвэрлүүлэхээр хүсэлт гаргасан нь Эрүүгийн хэрэг хянан шийдвэрлэх тухай хуулийн заалттай нийцсэн. Хохирогчийн давж заалдах гомдлыг хүлээн авах боломжгүй боловч, анхан шатны шүүхийн шийтгэх тогтоолын тогтоох хэсэгт "шүүгдэгч бусдад төлөх төлбөргүй, хохирогч гомдолгүй, нэхэмжлэх зүйлгүй" гэж дурдсан нь шүүгдэгч хохирлоо нөхөн төлөхөө илэрхийлсэнтэй ойлгомжгүй байгаа тул уг хэсэгт өөрчлөлт оруулж, шүүгдэгч хохирол нөхөн төлөхөө илэрхийлсэн тухай тэмдэглэхээр шийдвэрлэсэн.