ХЭРГИЙН ТАНИЛЦУУЛГА: Иргэн Л.Х нь бусдын малыг хулгайлах гэмт хэрэг үйлдсэн гэм буруутайд тооцогдож, анхан шатны шүүхээс ял шийтгэл оногдуулсан.
АНХАН ШАТ: Шүүгдэгч Л.Х-ийг бусдын малыг хулгайлсан гэм буруутайд тооцож, Эрүүгийн хуулийн 17.12 дугаар зүйлийн 1-д зааснаар 6 сар хорих ял оногдуулж, нээлттэй хорих байгууллагад эдлүүлэхээр шийдвэрлэсэн.
ДАВЖ ЗААЛДАХ ШАТ: Шүүгдэгч болон түүний өмгөөлөгч нар хэргийг бүрэн шалгаагүй, мөрдөн шалгах ажиллагаа нэг талыг баримталсан, нотлох баримт хангалтгүй, таамаглалд үндэслэсэн хэмээн гомдол гаргасан.
ҮНДЭСЛЭЛ: Давж заалдах шатны шүүх хэргийг хянан үзээд, анхан шатны шүүхийн шийтгэх тогтоолын үндэслэл хэргийн бодит байдалтай нийцээгүй, нотлох баримтаар нотлогдоогүй гэж үзэн, шүүгдэгчийг Эрүүгийн хуулийн 17.5 дугаар зүйлийн 1-д заасан алдуул мал завших гэмт хэрэгт гэм буруутайд тооцож, 1,000,000 төгрөгөөр торгох ял оногдуулж, цагдан хоригдсон 60 хоногийг оногдуулсан ялаас хасч, шүүгдэгчийг суллахаар шийдвэрлэсэн.