Тогтоол №10433

ХЭРГИЙН ТАНИЛЦУУЛГА: Шүүгдэгч нь хохирогчийг зодож эрүүл мэндэд нь хүнд хохирол учруулсан гэмт хэрэгт холбогдсон. АНХАН ШАТ: Шүүгдэгчийн үйлдлийг Эрүүгийн хуулийн тусгай ангийн 11.1 дүгээр зүйлийн 1 дэх хэсэгт зааснаар зүйлчлэн яллах дүгнэлт үйлдэж, хэргийг шүүхэд шилжүүлсэн. Анхан шатны шүүх хохирогчийн биед учирсан гэмтэл нь Эрүүгийн хуулийн тусгай ангийн 10.1 дүгээр зүйлийн 2 дахь хэсэгт заасан “онц харгис хэрцгийгээр” гэсэн хүндрүүлэх нөхцөл байдал байгаа эсэхийг шалгах шаардлагатай гэж үзээд хэргийг нэмэлт мөрдөн шалгах ажиллагаа явуулахаар прокурорт буцаасан. ДАВЖ ЗААЛДАХ ШАТ: Шүүгдэгчийн өмгөөлөгч нь анхан шатны шүүхийн шийдвэрийг үндэслэлгүй гэж үзэн давж заалдах гомдол гаргасан. Давж заалдах шатны шүүх хэргийн бодит байдлыг тогтоох үүднээс нэмэлт мөрдөн шалгах ажиллагаа явуулах үндэслэл тогтоогдсон байх тул анхан шатны шүүхийн шийдвэрийг хэвээр үлдээж, гомдлыг хэрэгсэхгүй болгосон.

ҮНДЭСЛЭЛ: Хохирогчийн биед учирсан гэмтэл нь Эрүүгийн хуулийн тусгай ангийн 11.1 дүгээр зүйлийн 2 дахь хэсэгт заасан “онц харгис хэрцгийгээр” гэсэн хүндрүүлэх нөхцөл байдал байгаа эсэхийг тодруулах шаардлагатай байсан. Анхан шатны шүүх гэм бурууг тогтоосны дараа хэргийг прокурорт буцаасан нь эрүүгийн хэрэг хянан шиийдвэрлэх хуулийг зөрчсөн боловч хэргийн бодит байдлыг тогтоох үүднээс нэмэлт мөрдөн шалгах ажиллагаа явуулах үндэслэл байсан тул давж заалдах шатны шүүх анхан шатны шүүхийн шийдвэрийг хэвээр үлдээсэн.