Тогтоол №10289

ХЭРГИЙН ТАНИЛЦУУЛГА: Иргэн А.Н нь гэр бүлийн хүчирхийлэл үйлдэж, эхнэр Д.М-ийн эрүүл мэндэд хөнгөн хохирол учруулсан хэргээр анхан шатны шүүхээр шийтгэгдсэн. АНХАН ШАТ: А.Н-ийг гэр бүлийн хүчирхийлэл үйлдэж, эрүүл мэндэд хөнгөн хохирол учруулсан гэм буруутайд тооцож, Эрүүгийн хуулийн 11.6 дугаар зүйлийн 1 дэх хэсэгт зааснаар 500,000 төгрөгөөр торгох ял оногдуулсан. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоолын зүйлчлэл, ял оногдуулсан байдал нь хууль зүйн үндэслэлгүй, Эрүүгийн хэрэг хянан шийдвэрлэх тухай хуулийг зөрчсөн хэмээн үзэж, эсэргүүцэл бичсэн. Давж заалдах шатны шүүх прокурорын эсэргүүцлийг үндэслэлтэй гэж үзэн, анхан шатны шүүхийн шийтгэх тогтоолыг хүчингүй болгож, хэргийг дахин хэлэлцүүлэхээр буцаасан.

ҮНДЭСЛЭЛ: Анхан шатны шүүх шүүгдэгчийг Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэг үйлдсэн гэж дүгнэсэн боловч хүндрүүлэх шинжгүй гэмт хэрэгт ногдох ялыг оногдуулсан нь Эрүүгийн хуулийг буруу тайлбарласан. Мөн прокурорын зүйлчлэлийг өөрчлөх дүгнэлт хийгээгүй атлаа хэргийн зүйлчлэлийг хөнгөрүүлж ял оногдуулсан нь Эрүүгийн хэрэг хянан шийдвэрлэх тухай хуулийг зөрчсөн. Хэргийн үйл баримтыг тодруулах шаардлагатай гэж дүгнэсэн.