Тогтоол №10146

ХЭРГИЙН ТАНИЛЦУУЛГА: Хоёр хүн бүлэглэн олон тооны мал хулгайлсан хэрэгт холбогдсон. АНХАН ШАТ: Шүүгдэгч нарыг бүлэглэж олон тооны малыг хулгайлсан гэм буруутайд тооцож, Эрүүгийн хуулийн тусгай ангийн 17.12 дугаар зүйлийн 2 дахь хэсэгт зааснаар нэг жил хоёр сар хорих ялаар шийтгэж, нээлттэй хорих байгууллагад эдлүүлэхээр шийдвэрлэсэн. ДАВЖ ЗААЛДАХ ШАТ: Прокурор анхан шатны шүүхийн шийтгэх тогтоол нь хууль ёсны болон үндэслэлтэй байх шаардлагаа хангаагүй, ял оногдуулахдаа хэргийн нөхцөл байдал, учруулсан хохирлыг харгалзан үзээгүй, хуулийн хэрэглээнд алдаатай гэж үзэн хэргийг дахин хэлэлцүүлэхээр буцаалгах эсэргүүцэл бичсэн. Өмгөөлөгчид ялын хэмжээг багасгах, эсвэл тогтоолыг хэвээр үлдээх саналтай байсан.

ҮНДЭСЛЭЛ: Давж заалдах шатны шүүхээс хэргийг бүхэлд нь хянан шийдвэрлэхэд анхан шатны шүүхийн шийтгэх тогтоолын тодорхойлох хэсэгт хэдэн оны хуулийг буцаан хэрэглэж шийдвэрлэсэн талаар дурдаагүй, ялыг ямар үндэслэлээр нээлттэй хорих байгууллагад эдлүүлэхээр тогтоосон үндэслэлээ бичээгүй зэрэг нь хуульд нийцэхгүй байна гэж үзэн, анхан шатны шүүхийн шийтгэх тогтоолыг бүхэлд нь хүчингүй болгож, хэргийг дахин хэлэлцүүлэхээр анхан шатны шүүхэд буцаасан.