Тогтоол №72003

ХЭРГИЙН ТАНИЛЦУУЛГА: "ЭИ" ХХК-ийн салбарт ажиллаж байсан хүмүүс бүлэглэн, албан тушаалаа урвуулан ашиглаж, зохиомол байдал үүсгэн, баримт бичиг ашиглан бусдыг хуурч, компанийн нийт 55,137,600.01 төгрөгийг залилан авч, их хэмжээний хохирол учруулсан хэрэг.

АНХАН ШАТ: Шүүгдэгч О.Д-г Эрүүгийн хуулийн тусгай ангийн 17.3 дугаар зүйлийн 2.1, 17.3 дугаар зүйлийн 2.2-т зааснаар, Б.Б-г тус хуулийн 17.3 дугаар зүйлийн 2.1, 17.3 дугаар зүйлийн 2.2-т зааснаар, Б.М-ыг тус хуулийн 17.3 дугаар зүйлийн 2.2-т зааснаар гэм буруутайд тооцжээ.

ҮНДЭСЛЭЛ: Шүүгдэгч нарыг албан тушаалаа урвуулан ашиглаж, бусдыг хуурч, зохиомол байдал үүсгэн, бодит байдлыг нуун далдлах замаар өмчлөгчийн эд хөрөнгийг залилан авч, компанийн эд хөрөнгөд их хэмжээний хохирол учруулсан гэм буруутайд тооцсон. Шүүгдэгч Б.М-ын гэм буруугийн хэмжээг үндэслэн түүний үйлдлийг Эрүүгийн хуулийн тусгай ангийн 17.3 дугаар зүйлийн 1 болгон хөнгөрүүлсэн. Учир нь зарим зээлийн үлдэгдлийг бусад этгээдээс нэхэмжлэхээр тогтоосон. Гэм буруугаа хүлээн зөвшөөрч, хохирлын тодорхой хэсгийг төлсөн зэргийг харгалзан О.Д, Б.Б нарт торгох, Б.М-д нийтэд тустай ажил хийлгэх ял оногдуулсан. Төлбөрийн хэмжээг тогтоож, хэсэгчлэн төлүүлэхээр шийдвэрлэсэн.