Тогтоол №122222

ХЭРГИЙН ТАНИЛЦУУЛГА: Шүүгдэгч нар нь бүлэглэн, эсхүл ганцаараа бусдыг хуурч, зохиомол байдал бий болгон, бодит байдлыг нуух замаар төөрөгдөлд оруулж, урьдын харилцааны итгэлийг урвуулан ашиглаж, автомашин худалдан авах, худалдах, түрээслэх, мөнгө зээлэх нэрээр нийт 1,081,999,297 төгрөгийн их хэмжээний хохирол учруулсан залилах гэмт хэрэг үйлдсэн хэргээр яллах дүгнэлт үйлдэн ирүүлсэн.

АНХАН ШАТ: Шүүгдэгч Н.-г Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад зааснаар гэм буруутайд тооцож, 6 жилийн хугацаагаар хорих ял, шүүгдэгч -г мөн хуулийн 17.3 дугаар зүйлийн 2 дахь хэсгийн 2.2 дахь заалтад зааснаар 5 жилийн хугацаагаар хорих ял, шүүгдэгч -г мөн хуулийн 17.3 дугаар зүйлийн 2 дахь хэсгийн 2.2 дахь заалтад зааснаар 2 жилийн хугацаагаар хорих ял оногдуулж, шүүгдэгч -д өмнөх ялын үлдэгдэлтэй нэмж тооцон нийт 9 жил 8 сар 25 хоногийн хорих ял эдлүүлэхээр шийдвэрлэсэн.

ҮНДЭСЛЭЛ: Шүүгдэгч нар нь хуурч, зохиомол байдал бий болгон, бодит байдлыг нуун далдлах, урьдын итгэлийг урвуулан ашиглах зэрэг аргыг ашиглан олон хохирогчоос их хэмжээний мөнгө, эд хөрөнгийг залилан авсан нь нотлох баримтуудаар тогтоогджээ. Нийт учирсан хохирлыг шүүгдэгч нараас хувь тэнцүүлэн гаргуулж хохирогч нарт олгохоор шийдвэрлэсэн. Шүүгдэгч Н.,, нар нь удаа дараа гэмт хэрэг үйлдэж, шийтгэл хүлээж байсан боловч гэмшилгүй дахин гэмт хэрэг үйлдсэн, бүлэглэн үйлдсэн зэрэг хүндрүүлэх нөхцөл байдлуудыг харгалзан ял оногдуулсан.