ХЭРГИЙН ТАНИЛЦУУЛГА: Иргэний паспортыг гаргаж өгнө хэмээн хуурч, зохимол байдлыг бий болгон төөрөгдөлд оруулж, бусдад их хэмжээний мөнгө залилсан этгээдтэй холбоотой эрүүгийн хэрэг. АНХАН ШАТ: Эрүүгийн хуулийн тусгай ангийн 17.3 дугаар зүйлийн 1 дэх хэсэгт заасан гэмт хэрэг үйлдсэн этгээдийг гэм буруутайд тооцож, 1 жилийн хугацаагаар тэнссэн ял оногдуулж, хяналт тогтоосон.
ҮНДЭСЛЭЛ: Шүүгдэгч нь "ногоон паспорт гаргаж өгнө" гэх амлалтаар хэд хэдэн иргэнээс нийт 19,564,815 төгрөгийг залилан авсан нь нотлох баримтаар тогтоогдсон. Гэм буруутайд тооцсон этгээд өмгөөлөгчийн хамтаар хэргийн үйл баримт, зүйлчлэлд маргаагүй. Шүүх нь учирсан хохирол, хэргийн шинж чанар, этгээдийн хувийн байдал, гэм буруугаа хүлээн зөвшөөрснийг харгалзан үзэж, нийгмээс тусгаарлахгүйгээр хүмүүжүүлэх боломжтой хэмээн дүгнэн, тэнссэн ял оногдуулсан. Хохирогчдод учруулсан хохирлыг барагдуулах зорилгоор мөнгийг олгон шийдвэрлэсэн.