ХЭРГИЙН ТАНИЛЦУУЛГА: Жолооч хоёр хоорондоо эгнээ байраа буруу эзэлсэнтэй холбоотойгоор маргалдаж, улмаар нэг жолооч нөгөөгөө зодож, эрүүл мэндэд нь хөнгөн хохирол учруулсан хэрэг. АНХАН ШАТ: Хүний эрүүл мэндэд хөнгөн хохирол санаатай учруулсан гэм буруутайд тооцож, 240 цаг нийтэд тустай ажил хийлгэх ял оногдуулж, 1,665,000 төгрөгийг хохирогчид төлүүлэхээр шийдвэрлэв.
ҮНДЭСЛЭЛ: Шүүгдэгчийн гэм буруу нь шүүх хуралдаанд үйлдсэн хэргээ хүлээн мэдүүлсэн мэдүүлэг, хохирогчийн мэдүүлэг, шинжээчийн дүгнэлтээр тогтоогдсон. Үйлдэл нь Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэргийн шинжийг хангасан. Ял хөнгөрүүлэх нөхцөл байдал (анх удаа тохиолдлоор үйлдсэн) харгалзан ял оногдуулсан. Хохирлыг барагдуулах тухай шийдвэр гаргав.